5
ပျံပါလီ ဆိုက်ဘေးရီးယား
ရီယာန်ခါး
ရာသီဆောင်း
နှင်းခဲကြွီ
အီးစက်စက်ပင်လယ်
မင်းရို့ထားခပါ။
မိုင်ထောင်ချီပျံပါလီ
လီဟုန်ကိုစီး
တောင်ပံကိုဖြန့်ထားလိုက်
နိန်ခြည်နနွီးမှာပျော်နိုင်ပါလီ။
ရီကြိုင်ရာ မြက်နုရာ ကို
ပျံပါလီ။
ငရို့ကတော့ ပျံချင်းတိုင်းလည်း
မပျံနိုင်
Rifle ကျည်ဆံစာ
အတောင်ချိုးပနာ လှောခြိုက်ထဲ
ထည့်တတ်တေ
ငှက်ဖမ်းသမား တစ်ရွီကြားမှာ…
အသက်ကိုဖက်နန့်ထုပ်လို့
ဆိုက်ဘေးရီးယား
မင်းကရိုးရှင်းရေ
ကျည်ဆံလည်းမကြောက်
ဂျက်Engine လည်းမကြောက်
ငှက်ဖမ်းသမားလည်းမကြောက်
ဘဝမှာ တစ်ခါတော့သီရဖို့နန်းရာ
သဘာဝတရား.
ဆိုက်ဘေးရီးယား
မင်းက သဘာဝတရားပါဝေ။
ပျံပါလီ ဆိုက်ဘေးရီးယား
ပျံပါလီ။
