စစ်တွေလမ်း

စစ်တွေလမ်းတိကို

နွီဦးရောက်လာစွာက

မိသားစုပြိုကွဲ မြစ်ဘေးမှာဘဝပျက် လွမ်းနိန်ပုံမျိုး

မျိုဖို့ပြင်နိန်ရေ ဒုန်နာလမ်းထက်တို့

ဥဩကရွက်သီတိကို နှင်ချလိုက်တေ။

စစ်တွေလမ်းတိကို မိုးရောက်လာစွာက

အရက်ယစ်ယစ်နန့် သမီးကိုကွာနှက်နိန်ပုံမျိုး

စုတ်ပဲ့ရေလမ်းတိကို ရီတိဖုံးထားယင့်

အပုပ်တိ အမှိုက်တိပွဲတော်ကျလို့ယေ။

လာဗျာလ် —

ဟိမဝန္တာဝေသာလီက မြောက်လီလာဗျာလ်

စစ်တွေလမ်းတိကို ဆောက်းရောက်လာစွာက

ပလ္လင်တောမိုးထ

မိသားစုလမ်းလျှောက်ထွက်လာ ရေပိုင်

ဂြိုးသျှေတေးဆိုရေ

စိုင်းဒြားမင်းခွာတိ ဟာမိုနီလိုက် လို့။

သုံးရာသီမှာ ဆောင်းကိုရာချစ်တေနှလုံးသား

ဇာချင့်တိမှားခပါလေ

စစ်တွေလမ်းတိမှာ

မိသားစုဂြိုးငှက်နန့်နှင်းစက်တိရာ

ငါဖွဲ့ချင်ရေ။