6
ငါ့ရင် အဆွီးအဟောင်းဆိုရေအထဲက
ငါ့သွီး ငါ့ဘွား
ငါ့သား ငါ့သမီး
ငါ့မြီး ငါ့မြစ်
ငါ့မျိုးဆက် အသစ်အသစ်တိ
ရီကြည်ရာ မြက်နုရာဆိုစွာကို
နိစဉ်ထွက်ခွာ နိန်ကတ်တေအခါ —။
ငါ့အရီပြားကို
ထွန်သွားထက်ထက်သျှေနန့်
တစ်ချက်သျှေ ခြစ်မကြည့်ခ။
ငါ့သွီးပင်လယ်မှာ
အဏ္ဏဝါ သံဇာတ
ဇာဇာဟိလေဆိုစွာလေ့ မစူးစမ်း။
ငါ့အရိုးဒဒေါင်မာ
ရိုးတောင်ခြီတရိုးကိုလေ့
ဂျီအိုဆက်စီမိုဂရပ်နန့် မနှိုက်ချွတ်။
ငါ့ကို ကြောခိုင်း
အရိုင်းမြီးအသစ်မှာ အခိုင်းခံအောက်ခြီဘဝနန့်
ရလာရေ ဒေါ်လာအတိုအစ
ငါ့ခြီဖဝါးကသဲပွင့်နန့် မနှိုင်းသာ။
ရိုးတောင်ခြီကို ပြန်လာ
ရိုးတောင်ခြီမှာ ပြန်ဆုံ
အနာဂတ်ကို ရောင်စုံအလှခြယ်ကတ်မေ။
